फाँसीभन्दा पहिले जल्लादको दिमागमा के चल्छ ? (याकूबलाई फाँसी दिएका पवनको बयान)
मानसिक दबाब त्यतिबेला सुरु हुन्छ जब जेल प्रशासनले जल्लादलाई कसैको फाँसीका लाग सम्पर्क गर्दछन् ।
पवन जल्लादलाई निठारी काण्डका दोषी सुरेन्द्र कोलीको फाँसीको लागि सम्पर्क गरिएको थियो । यद्यपी अदालतले पछि उनको फाँसीमा रोक लगाएको थियो । जेल प्रशासनले सम्पर्क गरेलगत्तै उनको दिनचर्यामा धेरै परिवर्तन आएको उनले बताए ।
पूर्वाभ्यासः
जल्लादले फाँसीको सम्पूर्ण कामको जिम्मा लिनुपर्ने हुन्छ । फाँसी दिइने डोरीको जाँचदेखि डोरी बाट्नेसम्मको सबै कामको पूर्वाभ्यास गर्नुपर्छ । उनीहरुले फाँसीको दिनमा सिधै गएर झुण्डाउने काम गर्न सक्दैनन् ।
पवनले फाँसीमा झुण्ड्याइने व्यक्तिको तौलको आधारमा सबै तयारी गरिने बताएका छन् । उनले भने, ‘यदि झुण्डाइने व्यक्तिको तौल ७० किलो छ भने त्यति नै तौलको बालुवाले भरिएको बोरालाई झुण्डाएर अभ्यास गनुपर्ने हुन्छ ।’
कसैको जीवन समाप्त गर्नुको मानसिक र मनोवैज्ञानिक दबाब जल्लादका साथै जेलका अरु व्यक्तिलाई पनि हुने गर्दछ र उक्त तनाव प्रशासन, कैदी सबैलाई महसुस हुने गर्दछ । पवन भन्छन्, ‘सबैभन्दा तनाव जल्लादलाई नै हुने गर्दछ ।’
जेल प्रशासनको लिभरदेखि डोरी झुण्डाउने ठाउँसम्मको मर्मत गर्नुपर्ने पवन बताउँछन् । ‘यी सबैको प्रयोग फाँसी दिने बेला हुने भएका कारण सबैले ठिकठाक रुपमा काम गर्न अत्यावश्यक छ,’ उनी भन्छन् ।
परिवारको पेटः
पवनले हजुरबुवासँग मिलेर पाँचजना अपराधीहरुलाई फाँसी दिएको दाबी गरेका छन् । आठ कक्षा पास गरेका पवनको जल्लादको जागिर उनको पक्की जागिर होइन । उनी जेल प्रशासनसँग मात्र एक अनुबन्धमा छन् जसका कारण उनले महिनामा तीन हजार भारतीय रुपैयाँ तलब स्वरुप पाउँछन् ।
बाँकी अरु दिन उनी कपडा बेचेर आफ्नो परिवारको पेट पाल्ने गर्दछन् । उनले आफ्ना बच्चाहरुलाई निकै पढाउने सोचेका छन् । उनको एक छोरा दिल्लीमा ग्रयाजुएसनको पढाइ गरिरहेका छन् ।
निन्द्रा लाग्दैनः
उनले आफ्नो छोरालाई अहिलेसम्म पनि जल्लादको प्रशिक्षण नदिएको बताएका छन् जबकी यो उनीहरुके पुख्र्यौली पेशा हो ।
उनको छोराले याकूबलाई फाँसी दिने बेला आफ्नो बुवासँग जाने इच्छा पनि देखाएका थिए तर यसले उनको दिमागमा खराब असर पार्ने भन्दै उनलाई आफूसँग आउन दिएनन् ।
‘दिमागमा असर त पर्छ नै । म चाहन्न कि उसको पढाईमा यसले असर गरोस् । कसैलाई मरिरहेको देख्दाको असर मन मस्तिष्मा सधैं रहने गर्दछ । के तपाईं कोही मरिरहेको देख्न सक्नुहुन्छ ?’ उनले प्रतिप्रश्न गरे ।
‘मेरो कुरा त अर्कै छ । मैले यसको प्रशिक्षण आफ्नो बुवा र हजुरबुवासँग लिएको हुँ । तर यसले मेरो दिमागलाई पनि असर पुर्याउने गर्दछ । कसैलाई मृत्युदण्ड दिएको दिन मलाई खाना खान मनलाग्दैन । मलाई निन्द्रा पनि लाग्दैन, ’ उनले आफ्नो अनुभव सुनाए ।
साभारः बीबीसी
भिडियो हेर्न तलको बाकस थिच्नुहोस
0 comments
Write Down Your Responses