घरमा बोलाएर मन्त्रीले नै गरे युवतीको बलात्कार, समाचार लेखेपछि पत्रकारको हत्या
त्यही बाटो बिराएका एक मन्त्रीलाई सही बाटोमा ल्याउन कलम चलाउँदा एक पत्रकारले आफ्नो ज्यानै गुमाउनुपरेको छ । घटनाको हो भारतको उत्तर प्रदेशको । जहाँ बलात्कारमा संलग्न मन्त्रीको समाचार लेख्दा एक पत्रकारको हत्या भएको छ ।स्वतन्त्र पत्रकार जगेन्द्र सिंहलाई आफूले गरेको गलत कार्यको समाचार लेखी बाहिर ल्याउने प्रयास गरेको भन्दै भारतको उत्तरप्रदेशका राज्यमन्त्री राममूर्ति वर्मा र उनका भतीजाले जलाएर हत्या गरिदिएका छन् ।
केही दिन अगाडि मन्त्री वर्मा र उनका भतीजाले मिलेर एक युवतीलाई घरमा बोलाएर सामुहिक बलात्कार गरेका थिए । त्यो घटनाको सूचना पाएर पत्रकार जगेन्द्रले समाचार लेखेका थिए । जगेन्द्रले निरन्तर समाचार लेख्न थालेपछि मन्त्री पद धरापमा पर्ने डरले वर्माले प्रहरीलाई निर्देशन दिएर आगो लगाएर हत्या गरेको जगेन्द्रकी श्रीमती सूजनले प्रहरीमा दर्ता गरेको उजुरीमा उल्लेख छ ।
तर प्रहरीले भने जगेन्द्रले आफै शरीरमा आगो लगाएको दाबी गरेको छ । जगेन्द्रकी श्रीमतीले बताएका अनुसार कोतवाली प्रहरी चौकीका इन्स्पेक्टर श्रीप्रकाश राय मन्त्रीको निर्देशनमा फोर्स लिएर उनको घरमा घुसेर बोतल बोकेर ल्याएको पेट्रोललाई जगेन्द्रको शरीरमा फालेर आगो लगाएका थिए ।
यता पीडित परिवारले भने हत्यारालाई कडा कारवाहीको माग गरेका छन् । यो सत्य होकी भारतमा जुनसुकै ठूलो पदमा भएपनि छानविनमा दोषी ठहरिए सजायँ दिने प्रचलन छ । दोषी ठहरिए मन्त्रीलाई आजीवन कारावासको सजायँ हुन सक्छ । एजेन्सी
भिडियो हेर्न तल क्लिक गर्नुहोस :
0 comments
Write Down Your Responses