रेस्लिङ हेर्नुहुन्छ ? जानिराख्नुस् यी ५ तथ्य !
यो फाईट रियल हो ?
होइन, यो स्क्रिप्टेड शो हो । यसमा सबैकुरा स्क्रिप्ट अनुसार नै हुन्छ । हार-जीत तथा पहलमानका हरेक मुभ्सहरु पूर्वनिर्धारित हुन्छन् । यो एउटा नाटकमात्रै हो भन्दा फरक नपर्ला, तर यहाँ रिटेकको मौका भने मिल्दैन । जे हुन्छ, सबैको सामने हुन्छ । मानौं थिएटरमा मञ्चन गरिएको नाटक । थिएटरमा मञ्चन हुने नाटकमा जस्तै यहाँ पनि रेस्लरलाई कुनै गल्ती गर्ने छुट छैन ।
हार्दा पनि धेरै पैसा ?
WWE को फाईट स्क्रिप्ट अनुसार नै हुने भएकाले यहाँ जित्नेले भन्दा हार्नेले बढि पैसा पाउन पनि सक्छ । किनकी रेस्लरहरुको भ्यल्यू पहिले नै तय हुन्छ । उनीहरुको मूल्य स्टार भ्याल्यू तथा रोलको हिसाबले तय हुन्छ । यस्तो अवस्थामा कहिलेकाहीँ जित्नेले भन्दा हार्नेले बढि पैसा पनि पाउन सक्छन् ।
रेस्लरहरु असली हुन् ?
यसमा हिंस्सा लिने रेस्लरहरुबारे पनि आममानिसमा जिज्ञासा हुने गरेको छ । उनीहरु जस्तो देखिन्छन्, त्यो असली हो ? हो, उनीहरुको बडी जस्तो देखिन्छ त्यस्तै नै छ । तर, रेस्लरहरुले आफ्नो बडी र स्टामिना बढाउनका लागि स्टेरोयड्स तथा ड्रग्स लिन्छन् भन्ने आरोप लाग्ने गरेको छ । यद्यपी यसलाई रोक्नका लागि WWE को विशेष पोलिसी छ । अझै पनि यस्ता आरोप लाग्न छोडेका छैनन् ।
साँच्चै घाइते हुन्छन्, देखिने रगत असली हो ?
WWE फाईट स्क्रिप्टेड भएपनि यहाँ हुने इन्जुरी र देखिने रगतहरु प्राय असली नै हुन्छन् । कतिपयलाई गम्भीर चोट लागेको तथा कोही अंगभंग भएको उदाहरणसमेत पाईन्छ । त्यसैले शरीरबाट निस्किने रगत प्राय असली नै हुन्छ । तर, मुखबाट थुक्ने रगत भने रियल होइन । यसका लागि ब्लड क्याप्सुलको प्रयोग गरिन्छ ।
को हुन् यसका मालिक ?
WWE इभेन्ट्समा प्राय विंस म्याकहोमलाई मालिकको रुपमा देखाईन्छ । तर, WWE पब्लिक लिमिटेड हो । म्याकहोम यसका सीईओ हुन् । यसमा उनको ५२ प्रतिशत शेयर छ ।
भिडियोको लागि तल क्लिक गर्नुहोस् :
0 comments
Write Down Your Responses