फेसबुकबाट सुरु भएको प्रेम विवाह मण्डपमा यसरी भताभुङ्ग भयो (फोटोफिचरसहित)
यसबाट बेहुली भने डराइनन् । उनले हिम्मतका ासथ बेहुलालाई भनिन् –तिमी यहाँबाट गइहाल । जब हंगामा सुरु भयो तब बेहुला जन्ती लिएर टाप कसे । जाँदादाँदै बेहुलाले विवाह समारोहमा लगाइएको तस्वीर पनि लिएर गए । घटनाबारे जानकारी पाएपछि स्थानीय प्रहरी पनि घटनास्थल पुग्यो । दुलहीसँग बयान लिएर प्रहरीले बेहुलाविरुद्ध मुद्दा दर्ता गरायो ।
हरिपुरा निवासी ज्योति भगतको करिब दुई वर्षअघि फेसबुकको माध्यमबाट भूपिन्दरसँग मित्रता कायम भएको थियो । दुवै बीच फेसबुक च्याटिङ सुरु भयो । केही दिनमै उनीहरुबीच अफेयर सुरु भयो । उनीहरुले एकअर्काका लागि मर्ने बाँच्ने र मर्ने कसम पनि खाए ।
आरोपी भूपिन्दरले ज्योतिलाई आफू लखनउ फैजावाद निवासी भएको र अहिले न्युजिल्याण्डमा बस्दै आएको बताएका थिए । विवाहपछि ज्योतिलाई पनि न्युजिल्याण्ड लैजाने बताएका थिए । ज्योतिले पनि आरोपीको विश्वास गरिन् । दुवैबीच प्रेम गहिरिँदै गयो । ज्योतिले तीन महिनाअघि मात्र भूपिन्दरका बारेमा आमाबाबुसँग कुरा गरिन् । ज्योतिका आमाबाबुले पनि विवाहका लागि आफ्नो सहमति दिए ।
आरोपीले ज्योतिका आमाबाबुसँग फोनमा कुरा गर्दै विवाहको तयारी गर्न भने । २१ अप्रिलका दिन विवाहका लागि साइत पनि तय भयो । करिब एक महिना पहिला मात्र आरोपी ज्योतिसँग भन्न लागे कि यदि विवाहपछि आफूसँग न्युजिल्याण्ड जाने भए त्यसका लागि ९ लाख रुपैयाँ लाग्नेछ । तर त्योतिले त्यतिधेरै पैसा दिन नसक्ने बताइन् ।
कुरा चल्दाचल्दै विवाहको दिन नजिकिँदै थियो तब ज्योतिका पिता साढे दुई लाख दिन पनि तयार भए । मंगलबार भूपिन्दर जन्ती लिएर आए । विवाहको विधि पनि सुरु भयो । तर, जब सात फेरा लिने समय आयो तब बेहुलाले पाँच लाख दिए सात फेरा लिने अन्यथा नलिने बताए । यो सुनेर ज्योतिले तत्काल आफ्नो हुने वाला जीवनसाथीलाई त्यहाँबाट गइहाल्न भनिन् । एजेन्सी
0 comments
Write Down Your Responses