नेताहरु भन्न थाले, ‘मस्यौदा संशोधन गर्नै पर्ने रहेछ’
नेकपा एमालेका प्रमुख सचेतक अग्नी खरेलको मतमा धर्म निरपेक्षता पुनस्र्थापित प्रतिनिधिसभाले गरेको हो, शासकीय स्वरुपमा एमालेको प्रत्यक्ष कार्यकारी प्रधानमन्त्रीको अवधारणा थियो, नेगोसेसनमा जाँदा छाड्नु परेको हो । प्रदेशको संख्या पनि एमालेले लचिलो भएर ८ मा सहमति गरेको हो । नामांकनमा दलहरुले नसकेरै प्रदेश सभालाई सुम्पिने तय भएको हो । ‘अब जनताले धर्म निरपेक्षता हैन धार्मिक स्वतन्त्रता मात्रै राख्न सुझाव दिएका छन् । यस विषयमा छलफल हुनु पर्छ, गर्नु पर्छ । जनताले दिएका सबै सुझावलाई मनन गर्नैै पर्छ’ खरेलले भने ।
एनेकपा माओवादीका नेता वर्षमान पुन भने धर्मनिरपेक्षता जनताले नबुझको विचार राख्छन् । पुनको मतमा राज्यको कुनै धर्म हुँदैन, व्यक्तिको हुन्छ । वामपन्थी पार्टीहरुले त्यही कुरा मात्रै समेटन खोजेको हो । पुनले भने,‘जनताको सुझाव औपचारिकता पूरा गर्न लिइएको हैन । यी विषयमा सम्वाद समितिमा एक–एक छलफल हुन्छ । त्यो छलफल मस्यौदा समितिमा जान्छ । मस्यौदा समितिले संविधानसभामा लैजान्छ । मस्यौदामा रहेका विषय संशोधन हुनसक्छन् ।’
कांग्रेस नेता धनराज गुरुङ भने सुझावहरुलाई संग्रह नै गरिनसकिएको विषयमा जनताले कस्तो सुझाव दिए अहिले नै भन्न नमिल्ने बताउँछन् । कुनै एक जिल्ला वा क्षेत्रको आधारमा भन्न सकिन्न । गुरुङले भने,‘ सबैभन्दा बढी कुन विषयमा सुझाव आए, कति संख्यामा आए, आमजनताको भावना के हो ? भन्ने बुझेपछि मस्यौदा संशोधन हुन्छ । यो कर्मकाण्ड पुरा गर्न संकलन गरिएको हैन ।’
भिडियो हेर्न तलको बाकस थिच्नुहोस
0 comments
Write Down Your Responses