जनताले बाबुरामका यी कुरा बिर्सिएका छन् र ?
‘मधेस दुख्यो’ भन्दै पार्टी छाडेर हिँडेका बाबुराम भट्टराईले नैतिक आचरण र जिम्मेवारीको कुरा उठाउन थालेपछि आफू सत्तामा हुँदाचाहिँ कति जिम्मेवार बने भन्ने कुराको खोजी सुरु भएको छ । ‘मुखमा राम राम बगलीमा छुरा’को उत्कृष्ट उदाहरण भन्दै उनको संगत गरेकाहरुले टिप्पणी गरेका छन् ।
आफू प्रधानमन्त्री हुँदा मधेसको हितमा के – के गरे रु हेलिकोप्टर चढेर दलित र मधेसी बस्तीमा पुगे । मुसाको मासु र घुँगीको अचार खाए, सुते तर दलित र मधेसीको हित रक्षा गर्न के–कस्ता कानुन निर्माण गरे ? अहिले त्यसको पनि खोजी भइरहेको छ । ०५२ सालमा देउवा सरकारसमक्ष पेस गरेको ४० बुँदे मागमा सन् १९५० को सन्धि खारेजी प्रमुख थियो तर आफू प्रधानमन्त्री हुँदा त्यसलाई कति महत्त्व दिए भन्ने कुरा नै असलीरुप दर्शाउने टिप्पणी पनि हुन थालेका छन् ।
भारतसँगको असमान सन्धि खारेज गर्नुपर्नेमा भारतलाई नै सघाउन पुग्ने गरी बिप्पा सम्झौता पनि उनैको पालामा भयो । उनले प्रधानमन्त्री मात्र भएर केही गर्न नसकिने रहेछ, तालाचापी त अन्यत्रै रहेछ भनेर प्रस्तुत गरेको लाचारीपनलाई पनि अहिले स्मरण गर्न थालिएको छ । समाचार आजको जनआस्था साप्ताहिकमा छ ।
0 comments
Write Down Your Responses