भिडियोयस्ता छन सेलिब्रेटीका न्यू इयर सेलिब्रेसन योजना
बरिष्ठ कलाकार मिथिला शर्मा
बरिष्ठ कलाकार मिथिला शर्माको न्यू इयर कार्यक्रम तय भएको छैन । तर, केही न केही रमाइलो गरेर न्यू इयर सेलिब्रेसन गर्ने बताएकी छन् ।
कलाकार केशव भट्टराई
कलाकार केशव भट्टराईको यो बर्षको न्यू इयर पोखरामा बित्ने भएको छ । पारिवारिक माहोल भन्दा पर चलचित्र परिवारसँग उनले यो नयाँ बर्षलाई स्वागत गर्ने भएका छन् । पुरानै बर्षमा घोषणा भएको चलचित्र ‘ब्रास्लेट’को सुटिङ टिमसँगै उनले नयाँ बर्ष २०७१ मनाउने भएका हुन ।
नायिका करिश्मा मानन्धर
नेपाली सिने नगरिकि सदाबहार नायिका करिश्मा मानन्धरले न्यू इयर बिशेष केही कार्यक्रमको तय गरेकी छैनन् । तर, यो सालको न्यू इयर उनको स्पेशल हुने भएको छ । उनकी छोरी कबु नेपालमै भएकाले पनि उनको न्यू इयर स्पेशल हुने भएको हो । नायिका मानन्धरले नेपाली चलचित्र क्षेत्रका आफ्ना साथी भाईलाई घरमा बोलाउने र आउँदो बर्ष नेपाली चलचित्रका लागि सुनौलो बर्ष साबित होस भन्ने कामना सहित मनाउने बताएकी छन् ।
नायक दिलीप रायमाझी
नायक दिलीप रायमाझीले भने यो बर्षको न्यू इयर परिवारसँगै मनाउन नपाउने भएका छन् । परिवारसँगै न्यू इयर मनाउने सोच बनाएका रायमाझी कार्यक्रममा सहभागी हुन संखुवासभा जादै छन् । उनले त्यहीका दर्शकसँग न्यू इयर सेलिब्रेसन गर्ने मुड बनाएका छन् । नयाँ ठाउँमा पुगेर नयाँ साथी भाइका बिच नयाँ बर्षको स्वागत गर्दा फरक अनुभुती हुने पनि उनको बुझाई छ ।
नायिका सुरविना कार्की
नायिका सुरविना कार्कीले भने नयाँ बर्षका दिन नयाँ बर्षमा नयाँ काम, नयाँ सोच र लक्ष्य लिएर अगाडि बढ्ने संकल्प गर्ने र सेलिब्रेसन गर्ने बताएकी छन् ।
लोक गायक खुमन अधिकारी
लोक गायक खुमन अधिकारीले यो बर्षको न्यू इयर सेलिब्रेसन बेलायतको लन्डनमा गर्ने भएका छन् । पुरानै सालमा बेलायत पुगेका अधिकारीले न्यू इयरकै दिन लन्डनमा हुने साँगीतिक कार्यक्रममा गीत गाएर, बेलायतमा रहेका नेपाली स्रोतासँग नयाँ बर्ष मनाउने भएका हुन ।
गायिका शशि रावाल
गायिका शशि रावलले पनि यो बर्षको न्यू इयर आफ्ना परिवारसँग भन्दा फ्यानसँग मनाउने भएकी छन् । उनको पनि पुरानै सालमा नयाँ सालका केही कार्यक्रम तय भएका छन् । तिनै कार्यक्रममा उपस्थित भएर नेपाली संगीत प्रेमि दर्शक तथा साथीहरुसँग मनाउने छन् ।
मोडल माल्भिका सुब्बा
मोडल माल्भिका सुब्बाको न्यू इयर स्पेशल केहि कार्यक्रम तय भउको छैन । कार्य ब्यस्तताले गर्दा पनि उनले यो साल न्यू इयर सेलिब्रेसन गर्न नपाउने भउकी छन् । हाल मिस नेपालेको ट्रेनिङमा ब्यस्त सुब्बाले त्यहीँ केहि रमाईलो भयो भने नइू इयर सेलिब्रेसन गर्ने बताएकी छन् ।
हास्यकलाकार पल्पसा डंगोल
हास्यकलाकार पल्पसा डंगोल यस अघिका बर्षहरुमा प्राय राजधानी बाहिर हुन्थीन । सधैं घर परिवारबाट टाढा रहेर नयाँ बर्ष मनाएकी डंगोल यो बर्ष भने परिवारसँग स्पेशल मनाउने छन् । उनले छोराछोरीका साथमा नयाँ बर्ष मनाउन पनि यो साल कुनै कार्यक्रममा सहभागी नभएको बताएकी छन् ।
हेर्न तल क्लिक गर्नुहोस :
0 comments
Write Down Your Responses