ज्योती मगरको अभिनय रहेको ‘ढाडे बिरालो’ लाई प्रसारणमा रोक लगाउन माग -
लोक संस्कृतिको नाममा समाजलाई नकारात्मक असर गर्ने गरी निमार्ण गरीएको सो गीतको शब्द र भिडियो अत्याधिक अस्लिल र नेपाली समाजमा अपाच्य रहेको भन्दै तत्काल रोक लगाउन प्रतिष्ठानका संस्थापक अध्यक्ष अम्मर बिरही गुरुङले माग गरे । आज प्रतिष्ठानले नवलपरासीको गैडाकोटमा आयोजना गरेको पत्रकार भेटघाट तथा अन्तरक्रिया कार्यक्रममा बोल्दै उनले सो गीत लगायत यस्ता छाडा प्रकारका गीतहरु र भिडियोलाई सरकारले तत्काल प्रतिवन्ध लगाउनु आवस्यक रहेको समेत बताए । गीतमा गायिका ज्योती मगरले निकै अस्लिल प्रकतिको अभिनय गरेकी छिन् ।समाजमा गायिकाको रुपमा परिचय बनार्ईसकेकी राष्ट्यि गायिकाले यस्तो अस्लिल प्रकारको अभिनय गरी समाजमा लोक गितकै बिषयमा नराम्रो सन्देश प्रवाह गरेकाले त्यस्ता गायक गायिका र कलाकार लाई समेत कारबाहि हुनेगरी नेपाल सरकारले निति निमार्ण गर्दै आगामी दिनमा यस्तो बिक्रीति रोक्नु पर्नेमा जोड समेत उनले जोड दिए । कार्यक्रममा बोल्दै प्रतिष्ठानका केन्द्रिय अध्यक्ष चन्द्र शर्माले गितको सेन्सर गरी प्रसारण गर्ने ब्यवस्था गर्नु आवश्यक रहेको बताए ।
कला भन्दा पनि पैसाले गायक हुनेहरुका कारण लोक संगितमा असर परेको र छाडापन आएको बताउँदै उनले त्यस्तालाई रोक लगाउन नेपाल सरकारले तत्काल लोक दोहोरी बिकास वोर्ड स्थापना गर्नु पर्ने बताए । त्यस्तै लोक गायक तथा प्रतिष्ठानका बरिष्ठ उपाध्यक्ष बद्रि पंगेनीले छाडा गित र भिडियोहरुले गायक तथा कलाकार लाई समाजले हेर्ने दृष्टिकोण फरक भएको भन्दै यस्ता गित र भिडियोहरुलाई सरकारले रोक नलगाए भोलिको लोक संगितमा छाडा शव्दहरु र भल्गर दृश्यहरु मात्रै रहने बताए । यसैबिच प्रतिष्ठानले आगामी असोज १५ र १६ गते गैडाकोटमा १५ औ बार्षीक साधारण सभा गर्ने भएको छ । करिव ३०० गायक गायिकाको उपस्थितीमा साधारण सभा गर्ने तयारी भएको प्रतिष्ठानले जनाएको छ ।
भिडियो हेर्न तलको बाकस थिच्नुहोस
0 comments
Write Down Your Responses