प्रचण्डलाई फेरी तनाव..
सत्तारुढ प्रमुख दल एमालेले राष्ट्रपति पाउने भएपछि एमाओवादीको भागमा उपराष्ट्रपति परेको थियो । सहमतिय प्रक्रियाबाट राष्ट्रपति चयन हुने संभावना टरेपछि बहुमतिय प्रक्रियामा आउँदो बुधबार व्यवस्थापिका संसदले राष्ट्रपति तथा उपराष्ट्रपतिको निर्वाचनको समय तोकेको छ ।
एमालेले राष्ट्रपतिमा विद्या भण्डारीलाई पठाउने निर्णय गरे उपराष्ट्रपतिमा एमाओवदीले नन्दकिशोर पुन पासाङलाई पठाउने तयारी गरेको समाचार बाहिर आएको थियो ।
राष्ट्रपति र उपराष्ट्रपतिमा अमिक शेरचन र पासाङको नामको विषयमा एमाओवादी बैठकमा समेत चर्चा भएको थियो । एमाओवादीको भागमा राष्ट्रपति आए मात्रै शेरचनलाई अघि सार्ने चर्चा थियो । अहिले शेरचनले उपराष्ट्रपतिको दाबी गरेको माओवादी स्रोतको दाबी छ । यद्धपी हेडक्वाटर सामु उनले मुख खालेका छैनन् ।
उपराष्ट्रपति पदको विषयलाई लिएर प्रचण्ड निकट नेताहरु नै विभाजित भएको स्रोतको दाबी छ । ओली नेतृत्वको सरकारमा कृषि मन्त्री सम्हालिरहेका हरिबोल गजुरेल पूर्वजनसेना कमाण्डर पासाङलाई उपराष्ट्रपति बनाउन नहुने बताउँदै आएका छन् । प्रचण्डका निकट मानिने गजुरेलले गोपाल किराँतीलाई उपराष्ट्रपति बनाउन प्रस्ताव गरेको स्रोतको दाबी छ ।
त्यस्तै एकता प्रक्रियाबाट आएका एमाओवादी नेताहरुले भने महिला नेतृ श्रेष्ठलाई उपराष्ट्रपति बनाउनु पर्ने माग गरेका छन् । सत्तारुढ प्रमुख दल एमालेले विद्या भण्डारीलाई राष्ट्रपतिमा अघि सारेको खण्डमा श्रेष्ठको संभावना भने न्युन छ । किनकी संबैधानिक प्राबधान अनुसार पुरुष राष्ट्रपतिमा निर्वाचित भए महिलालाई उपराष्ट्रपति बनाउनुपर्नेछ । तर विद्यालाई अघि सारे माओवादीले पुरुषलाई उपराष्ट्रपतिको उमेद्वार बनाउनुपर्नेछ ।
प्रचण्ड निकट नेताहरु नै एक अर्का विरुद्ध लागेपछि प्रचण्ड फेरी अफ्ठेरोमा परेका छन् । ‘अध्यक्षलाई फेरी दबाब बढेको छ ।’ प्रचण्ड निवास लाजिम्पाट सम्बद्ध स्रोतले भन्यो, ‘पहिले गृहमन्त्रीबारे दबाब परेको थियो अहिले फेरी उपराष्ट्रपतिको लविङ चलेको छ ।’
0 comments
Write Down Your Responses