गोली हानी हत्या गरिएकी नेपाली चेली समिरा शिवाकोटीको हत्यारा प्रहरीद्वारा पक्राउ
टेक्सास, अमेरिका।
अमेरिकाको टेक्सासमा एक साता अघि हत्या गरिएकी समिरा सिवाकोटीको हत्यामा संलग्नलाई प्रहरीले पक्राउ गरेको छ । हत्या लगायत विभिन्न चोरीमा संलग्न डियोन दिवान किंगस्टोनलाई कोलोनी पुलिस डिपार्टमेन्टले पक्राउ गरेको हो । । कोलोनी शहरको प्रहरीले आज एक पत्रकार सम्मेलन गरी शिवाकोटीको हत्यारा पक्राउ परेको जानकारी दिएको छ । हत्यारा १९ वर्षको अश्वेत वर्णको डियोन किङ्ग्सटन जुनियर नामको किशोर रहेको प्रहरीले जारी गरेको प्रेस रिलिजमा उल्लेख छ ।
प्रहरीले फोटोसहित समिरालाई गोली हानी हत्या गर्ने हत्याराको विवरण सार्वजनिक गरेको हो । कोलोनी शहरको मेन स्ट्रिटमा रहेको -यापिडो कन्भेनियन्स स्टोरमा गतसाता बुधवार दिउँसो करीब एघार बजेतिर सोही व्यक्तिले स्टोरभित्र पेस्तोल प्रहार गरी शिवाकोटीको हत्या गरेको थियो ।
यो व्यक्तिले अस्ति बुधवार पनि हतियार देखाएर फ़्रिस्को भन्ने ठाउँको अर्को पसल लुटेको थियो । प्रहरीले समिरा हत्याराको शंकास्पद सूचीमा राखेर डियोन किङ्ग्सटनलाई खोजी गरिरहेको थियो । किङ्ग्सटन बुधवार फ़्रिस्को कन्भेनियन्स स्टोरमा पेस्तोल देखाएर लुटपाट गरी फरार थियो । यसैगरी बिहीवार अपरान्ह करीब चार बजेतिर यही व्यक्तिले कोलोनीकै टेक्साको ग्याँस स्टेशनमा हतियार देखाई स्टोर लुटेर भाग्दै गरेको अवस्थामा प्रहरीले तत्काल उसलाई पक्राउ गरेको थियो । सिलसिलावर लुटपाटमा संलग्न किङ्ग्सटन नै समिराको हत्यारा भएको पुष्टी भएको भन्दै प्रहरीले आज यसरी समिरा हत्यारालाई पक्राउ गरेको जानकारी गराएको छ ।
३१ वर्षीया समीराका नौ महिना र दुई वर्षकी दुई नावालिक छोरीहरु छन् भने पति नवराज डेन्टनमा बस्छन् । नवराजले पारिवारिक व्यवसयको रुपमा विगत चार वर्षदेखि विगत चार वर्षदेखि टेक्सासको कोलोनीमा ग्याँस स्टेशन र कन्भेनियन्स स्टोर सन्चालन गर्दै आएका थिए । सोही स्टोरमा काम गर्दै रहेकी समीरालाई जुन १० तारिख बुधवार किङ्ग्सटनले गोली प्रहार गरी हत्या गरेका थिए । हत्या गरिएकी समिराको गत आइतवार दाहसंस्कार गरिएको थियो ।
भिडियो हेर्न तल क्लिक गर्नुहोस :
0 comments
Write Down Your Responses