मोदीको पुत्ला जलाएपछि भारतीय राजदूतको कडा प्रतिक्रिया- यो कदम ठिक होइन्
काठमाडौं, १३ असोज । अघोषित नाकाबन्दीको विरोधमा आक्रोशित नेपालीहरुले भारतीय प्रधानमन्त्री नरेन्द्र मोदीको पुत्ला जलाएपछि भारतीय राजदूत रञ्जीत रेले कडा प्रतिक्रिया जनाएका छन् ।बुधबार लैनचौरस्थित भारतीय दूतावासमा पत्रकार सम्मेलन गर्दै राजदूत रे ले भारतको झण्डा र प्रधानमन्त्री मोदीको पुत्ला जलाएकोमा असन्तुष्टि जनाएका हुन् ।
उनले भने- ‘यो कस्तो रणनीति हो मैले बुझेको छैन । तर, झण्डा जलाउने र पुत्ला दहन गर्ने विषय गम्भीर हो । यसले समस्या समाधान गर्छ भनेर सोच्नु हुन्छ भने एउटा कुरा हो । होइन भने हामीलाई लाग्छ यसले सहयोग गर्दैन ।’
उनले घुमाउरो भाषामा मोदीको पुत्ला र भारतीय झण्डा जलाए ठिक नहुने चेतावनी दिन खोजेका छन् । मोदीदूतावास पुत्ला भारतीय झण्डा जलाउने कार्यले नेपाललाई नै घाटा हुने उनको टिप्पणी छ । भारतसँग सीमा जोडिएको नेपालको क्षेत्रमा भएको आन्दोलनकै कारण आपूर्ति रोकिएको उनको दाबी थियो ।
0 comments
Write Down Your Responses