प्रतिसांसद ५० लाखसम्मको अफर आएको सुनेको छु –प्रचण्ड
शुक्रबार सिंहदरबारस्थित संसदीय दलको कार्यालयमा अध्यक्ष प्रचण्डले भने– ‘सांसद् किनबेचसम्ममा सहभागी भएको जानकारी आएको छ ।’ उनले केपी ओलीलाई प्रधानमन्त्री बनाउने दलहरुबीचको ‘भद्र सहमति’ विपरीत सुशीलले दिएको उम्मेदवारीप्रति लक्षित गर्दै भने, ‘दिल्लीको उक्साहटमा प्रधानमन्त्रीमा उम्मेदवारी दिइएको छ ।’ उनले सार्वभौम र स्वाधिन देश नेपालको प्रधानमन्त्री नेपालीकै निर्णयले चुनिनुपर्ने बताए ।
उनले सुरुमा रामचन्द्र पौडेलको नाम आएपनि रातारात सुशीलकै नाम आउँदा आफू आश्चर्यचकित भएको बताए । ‘यो भारतले सविधान रोक्न नसकेपछि यसको कार्यान्वयनमा भाँजो हाल्न दलहरुबीचको एकतामा फाटो ल्याउन गरेको प्रयास हो,’ उनले भने, ‘संविधान संशोधन र कानुन निर्माणमा अड्चन ल्याउने रणनीति अनुसार सुशीललाई भारतले अगाडि सारेको छ ।’
0 comments
Write Down Your Responses