ग्लोबल टेण्डर हालेपछि अतालियो भारत, तेल लिन आउनल आग्रह
नेपालले इन्धन आयातका लागि ग्लोबल टेण्डर आह्वान गरेपछि भारतीय आयल कर्पोरशन (आइओसी) का अधिकारीहरुले नेपाल आयल निगमका पदाधिकारीहरुलाई तेल लिन बोलाएका हुन् ।
यसअघि नेपाल आयल निगमका अधिकारीले सम्पर्क गर्न खोज्दा समेत आइओसीका अधिकारीहरु आलटाल गरिरहेका थिए । नेपाल आयल निगमका प्रवक्ता दीपक बरालले तेल भर्न नेपाललाई भारतले आग्रह गरेको जानकारी दिनुभयो ।
उहाँका अनुसार आईओसीका अधिकारीले समान्य अवस्थाको भन्दा बढी लोड दिने भन्दै ट्यांकर भारत पठाउन आग्रह गरेका हुन् । भारतसँग आवश्यक डिल गरेर तेल भर्नका लागि सोमबार ट्यांकर पठाइने प्रवक्ता बरालको भनाई छ ।
डिल भइसकेपछि निगमले तेल भर्न आईओसीको गोन्डा, बेतालपुर, बरौनी र सिलगुढी डिपोमा ट्याकंर पठाउने छ । विहीबार मात्रै आयल निगमले इन्धन आपूर्तिका लागि ग्लोबल टेण्डर आह्वान गरेको थियो । जसमा १० भन्दा बढी कम्पनीले नेपालमा इन्धन आपूर्ति गर्ने इच्छा देखाएका छन् ।
0 comments
Write Down Your Responses