संविधानको मस्यौदामा एमाओवादीले हस्ताक्षर गर्न मानेन
नयाँ संविधान जारी गर्नको लागि संविधानसभा मस्यौदा समितिले तयार पारेको मस्यौदामा एमाओवादीले हस्ताक्षर गर्न अस्वीकार गरेको छ । विगतमा भएका सहमति र सम्झौता विपरीत कांग्रेस–एमालेले मस्यौदा तयार पारेको भन्दै एमाओवादीले हस्ताक्षर गर्न नमानेको हो ।
मस्यौदाको प्रतिवेदनमा एमाओवादीले हस्ताक्षर गर्न नमान्दा संविधानसभाको बैठक बेलुकी ७ बजेसम्मको लागि स्थगित गरिएको छ ।
जनयुद्ध, जनआन्दोलन, मधेस आन्दोलन विभन्न समुदायसँग भएका सहमति विपरीत मस्यौदा आएकाले आफूहरुले हस्ताक्षर नगरेको मस्यौदा समितिका सदस्य एवं एमाओवादीका संसदीय दलका नेता गिरिराजमणि पोखरेले बताए । उनले भने,‘हामी संविधान जारी गर्नको लागि हदैसम्म लचिलो हुँदा पनि कांग्रेस–एमालेले एकलौटी रुपमा मस्यौदा तयार पर्ने काम भयो’, उनले भने,‘विगतको सहमति र सम्झौता अनुसार मस्यौदा बनाउनुपर्छ भन्ने हाम्रो माग हो ।’
मस्यौदामा विगतको सहमति र सम्झौता विपरीत भएको भन्दै एमाओवादी सहितको १९ दलको बैठक सिंहदरवारमा सुरु भएको छ । मस्यौदा समितिले मिलाउनको लागि छुट्टै गृहकार्य समेत गरिरहेको छ ।
भिडियो हेर्न तल क्लिक गर्नुहोस :
0 comments
Write Down Your Responses