बंगलादेशको ढाकामा नेपाली महिलाको रहस्यमय मृत्यु
गत बुधबारमात्रै उनले आफ्ना दाजु भुवनसँग नेपाल आउन चाहेको बताएकी बिकको शुक्रबार साँझ मृत्यु भएको हो ।
कमलालाई बंगलादेशमा सासू ससुरासँगै राखेर उनका पति मिलन बैदेशिक रोजगारीका लागि कुवेत गएका थिए । मिलनले फेसबुकमा म्यासेजमार्फत कमलाले आत्महत्या गरेको जानकारी गराएको कमलाका दाजु भुवनले बताएका छन् ।भूवनले आफू नेपाल आउन चाहेपनि पति मिलनले पासपोर्ट लुकाइदिएर गत चैत्रमा कुवेत गएका कारण आउन नसकेको कमलाले बताएको जनाएका छन् ।
टेलिफोन मार्फत कमलाले आफूलाई सासू ससुरा र देवरले मानसिक तनाब दिने गरेको समेत बताउने गरेकी थिइन् । भूवनले आफ्नी बहिनीको आत्महत्या नभएको भन्दै मिलनको परिवारको मिलेमतोमा हत्या गरिएको आरोप लगाएका छन् ।
उनले न्यायका लागि सबैसँग अपील गर्नें पनि जनाएका छन् । मिलनले सुरुमा कमला दुर्घटनामा परेर अस्पताल भर्ना गरेको बताएको र पछि आत्महत्या गरेको बताएकोले घटना रहस्यमय भएको बताएका छन् ।
भूवनको परिवारले दाहसंस्कार नगर्न र आफूहरु आउने बताउँदा बताउँदै दाहसंस्कार गरेको उनको भनाई छ । घटना घटेको १० दिन बितिसक्दा पनि कमलाका माइती पक्षले अन्य केही सूचना पाउन नसकेको बताएका छन् ।
बहिनीको मृत्युको कारण बुझ्न तथा न्यायका लागि उनका दाजु भुवन र दिदी रमिला कालीकोटे आठ दिनदेखि काठमाडौंमा भौंतारिए पनि केही बुझ्न सकेका छैनन् ।
उनीहरुले नेपाल ट्रेड युनियन महासंघ जिफन्टको सहयोगमा परराष्ट्र मन्त्रालयमार्फत् नेपालस्थित बंगलादेशी दुतावासमा निवेदन दिएका छन् ।
भिडियो हेर्न तल क्लिक गर्नुहोस :
0 comments
Write Down Your Responses