जंगलबाट विप्लवको यस्तो निर्देशन
हालै प्रमुख दलबीच भएको १६ बुँदे सहमतिलाई धोका भनेको विप्लव माओवादीले बल्खुदेखि चार किलोमिटर दक्षिणपूर्वमा अवस्थित चोभारको जंगलमा गत शुक्रबार गोप्य भेला गरेको छ । महासचिव नेत्रविक्रम चन्द विप्लव, धमेन्द्र बास्तोला, प्रकाण्ड लगायत नेताले सम्बोधन गरेका थिए । बिहान ९ बजेबाट सुरु भएको भेला ६ घण्टासम्म चलेको थियो । ३५० नेता कार्यकर्ता सहभागी भेलामा अस्थायी घर निर्माणमा खटिएका कार्यकर्तालाई विप्लवले प्रशंसा पत्र दिएका थिए ।
पुननिर्माणमा खटिएका टिम लिडरले आफ्नो अनुभव पनि भेलामा सुनाएका थिए । हेटौडाका टिम लिडर योगेन्द्र कुमालले पुननिर्माण कार्यमा पुगेका एमाले नेता माधव कुमार नेपाललाई जनताले राहत अनियमितताको विषयमा प्रश्न सोधेर हैरान पारेपछि नेपालले प्रसंग मोड्दै स्थानीय जनतासँग अँगालो मारेर फोटो खिचाएको बताए । त्यस्तै, सिन्धुपाल्चोकका राजु कार्कीले तास खेलेर बसेका एक मास्टरलाई कारवाही गरिएको प्रसंग सुनाए ।‘तास खेलेर बसेको एक मास्टरलाई तास च्यातेर मुखमा कोचिदिउ, पुलिस आए तर हाम्रो काम देखेपछि उल्टै मास्टरलाई कारवाही गरे ।’ उनले भने । भक्तपुरका टिम लिडर शंकर अधिकारीले विप्लवलाई माओवादील्े कस्तो क्याडर चाहेको हो भन्ने स्पष्ट नभएको बताउँदै कार्यकर्ताको उचित मूल्यांकन गर्न आग्रह गरे । सबैको रिपोर्टिङ सुनेपछि विप्वलले १६ बुँदे सहमति धोका भएको भन्दै खारेजीको माग गरे । १६ बुँद खारेजीकोलागि राज्य सत्तलाई नै धक्का दिने गरी योजना ल्याउने बताउँदै कार्यकर्तालाई मृत्यु रोज्न तयार भएर बस्न निर्देशन दिए । जनआस्था साप्ताहिक
0 comments
Write Down Your Responses