samachar » एमाओवादीका उच्च तहका नेताले बिहे नगरेरै जन्माए बच्चो

काठमाडौं । एकीकृत नेकपा (माओवादी)का एक उच्च तहका नेताले बिहे नगरेरै एक युवतीबाट बच्चाकाे बाबु बन्न लागेका छन् । राम्रो लेख्ने क्षमता भएका र कडा भाषण पनि गर्ने उच्च तहकै नेताले अर्कै युवतीबाट बच्चा जन्माउने भएपछि एमाओवादीभित्र अहिले खैलाबैला मच्चिएको छ ।
यसरी अर्कै युवतीबाट बच्चा जन्माउने नेता हुन एमाओवादीका पोलिटब्यूरो सदस्य हेमन्तप्रकाश ओली । उनी पार्टीमा सुदर्शन र लेखनका क्षेत्रमा एचपी हिमालीको नामले चिनिन्छन् । उनले अरु कोहीबाट बच्चा जन्माउने भएका होइनन् । युद्धकालदेखि नै छोरी मानेर पाल्दै आएकी तर अरुले उनीहरुबीच अबैध सम्बन्ध रहेको आरोप लगाउँदै आएकी अम्बिका चन्द नाम गरेकी एक युवतीबाट बच्चा जन्माउने भएका हुन् । अम्बिकासँग नेता ओलीले युद्धकालदेखि नै अवैध सम्बन्ध राख्दै आएको आरोप लागेको थियो । नेता ओलीले पहिलो श्रीमतीबाट जन्माएका छोराछोरी बिहेगर्ने उमेरका भैसकेका छन् ।
नेता ओली र ती युवतीको सम्बन्धलाई लिएर पार्टीभित्र र बाहिरसमेत पटकपटक कुरा उठे पनि नेतृत्वले वास्ता गरेको थिएन । शनिबार एमाओवादी केन्द्रीय समितिको बैठकमै कुरा उठेपछि प्रचण्डले एकपटक स्पष्टीकरण सोधेर ६ महिनाका लागि पार्टी सदस्यताबाटै निलम्बन गरिने बताएका थिए ।
प्रचण्डले यस्तो निर्णय सुनाउँदा स्थायी समिति सदस्य जनार्दन शर्माले भने निलम्बनको नाटक रचेर बहुविवाहलाई वैधता दिन खोजिएको टिप्पणी गरिरहेका थिए । बैठकमा भने हेमन्त उपस्थित थिएनन् । प्रचण्डपुत्र प्रकाशले विना मगरलाई तेस्री पत्नी बनाएको घटनालाई पनि एमाओवादीले ६ महिना निलम्बन गरिएको भन्दै बैधता दिन पुगेको थियो । अहिले विनाबाट पनि प्रकाशले बच्चा जन्माइसकेका छन् ।
६ वर्षदेखि हेमन्तको प्रेमिका रहेकी जनयुद्दकालीन रेडियो गणतन्त्रकी पत्रकार अम्बिका चन्द गर्भवती भए पछि मात्रै पार्टीले कारबाहीको तयारी थालेको हो । तर, यसलाई अति गोप्य राखिएको छ । पार्टी अध्यक्ष र महासचिवका नाममा जारी गरिएको सर्कुलरमा समेत यसबारे उल्लेख छैन ।
सानो उमेरमै जनयुद्दमा लागेकी जाजरकोट घर भएकी ठकुरीकी छोरी अम्बिका पार्टी कार्यकर्ता, कलाकार हुँदै रेडियो गणतन्त्रमा कार्यरत भइन् । त्यसक्रममा उनको रोल्पा गजुल घर भएका तत्कालीन जनमुक्ति सेनामा कार्यरत एक दलित छापामारसँग प्रेम विवाह भयो । तर, शान्ति प्रक्रियासँगै अम्बिकाको सम्बन्ध रेडियोमै कार्यरत एक पत्रकारसँग नजिकियो, उनले पुरानो सम्बन्ध तोडिन ।
यस्तैमा उनको हिमचिम हेमन्तप्रकाशसँग बढ्यो । उनलाई हेमन्तले मगरात कार्यालयको जिम्मेवारी दिएर आफूसँगै राखे । त्यतिबेलै पार्टीका नेता तथा कार्यकर्ताले शंका नगरेका होइनन्, तर हेमन्तले आफ्नी छोरी बनाएर कार्यालयमा राखेको बताए भने अम्बिकाले पनि हेमन्तलाई बाबु भनेर सम्बोधन गर्न थालिन् । माओवादी सरकारमा सहभागी हुने क्रममा हेमन्तले अम्बिकालाई काठमाडौंमै ल्याएर राखे र बयोध अस्पतालमा सानोतिनो जागिरसमेत लगाइदिए । काठमाडौंमा दुवैको सम्बन्धमा कुनै रोकतोक थिएन ।पार्टी नेताले थाहा पाएपनि आँखा चिमिलदिए । पटकपटक अम्बिकाले एभर्सन गर्दै आएकी थिइन् । तर, पछिल्लोपटक टाइम पनि केही बढी भएको एवं क्युरेट गर्दा ज्यान पनि जान सक्ने भन्दै डाक्टरले स्वीकृति नदिएपछि हेमन्त प्रेमिकाबाट जन्मने बच्चाको बाबु बन्न लागेका हुन् ।

भिडियो हेर्न तल क्लिक गर्नुहोस :

1 comments

Write Down Your Responses