आठ सय ४१ अर्बको बजेट आउने योजना आयोगका उपाध्यक्षको खुलासा
काठमाण्डु, १४ असार–राष्ट्रिय योजना आयोगका उपाध्यक्ष डा. गोविन्दराज पोख्रेलले आगामि आर्थिक वर्षको लागि ८४१ अर्बको बजेट ल्याउन तयारी भइरहेको खुलासा गरेका छन ।रिपोर्टर्स क्लब नेपालले सोमबार आयोजना गरेको साक्षात्कारमा उनले दाताहरुले सम्मेलनमार्फत ब्यक्त गरेको प्रतिबद्धताको रकम बाहेक नै सो परिमाणको बजेट ल्याउने तयारी भएको बताए ।
साक्षात्कारमा डा. पोख्रेलले ८ सय ४१ अर्बमध्ये ७ सय ३५ अर्ब नियमित बजेट र बाँकी पुनर्निर्माणका लागि विशेष बजेट भएको स्पष्ट पारे ।उनले बजेटको गृहकार्य अन्तिम चरणमा पुगेको र यो महिनाको अन्तिममा बजेट ल्याउने गरी तयारी भईरहेको जानकारी दिँदै यस वर्षको बजेट विकास बजेट कटौती नगरी पुनर्निर्माणमा केन्द्रित हुने बताए ।
डा. पोख्रेलले आगामि साउन बाटै पुर्ननिर्माणको काम अभियानको रुपमा सुरु गरिने भन्दै वर्षाभित्र पुर्ननिर्माणको नक्सापासदेखि बस्तुस्थिति बुझेर पुर्ननिर्माणको काम सुरु गर्ने जानकारी दिए । पोख्रेलले वर्षा याममा जोखिमपूर्ण बस्ती स्थानान्तरण अस्थायी रुपमा गर्ने र पछि सरोकारवालासँग छलफल गरेर ऐतिहासिकता, भौगोलिक अवस्था र सस्कृति अध्ययन गरेर स्थायी स्थानान्तरणको काम गर्ने बताए ।
दाताहरुले प्रतिबद्धता ब्यक्त गरेको रकम केही सफ्ट लोन केही अनुदान र केही उनीहरु आफैले घोषणा गरेको कार्यक्रमहरु रहेको बताउँदै उनले पुनर्निर्माण प्राधिकरणले स्थानीय स्रोत परिचालन, स्थानीयको क्षमता अभिबृद्धि र दातृ निकायसँगको समन्वयमा काम गर्ने भएकोले छिट्टै पुर्ननिर्माण हुने दावी गरे ।
भिडियो हेर्न तल क्लिक गर्नुहोस :
0 comments
Write Down Your Responses