नेपाली सेनाका जवानले जंगलमा बोलाएर गरे आफ्नै श्रीमतीको हत्या
सुर्खेत माइती भएकी इन्द्रालाई खत्रीले शुक्रबार फोनमार्फत जंगलमा बोलाएर निर्घात कुटपिट गरेका थिए । नाबालक छोरीको शरीरमा पनि चोट भेटिएको प्रहरीले जनाएको छ । बच्चा रोएको सुनेर पुगेका स्थानीयले जंगलमा महिलाको शव देखेपछि प्रहरीलाई खबर गरेका थिए ।
शिशुलाई उपचारका लागि तामाकोसी सहकारी अस्पताल, मन्थली पु¥याइएको छ । दाहिने आँखामा नीलडाम र शरीर चिथोरिएको पाइए पनि उनको अवस्था सामान्य रहेको चिकित्सकले जनाए । इन्द्राको मन्थलीस्थित कोठामा खानतलासी गर्दा प्रहरीले छोरीको जन्मदर्ता र विवाह दर्ताको कागज फेला पारेपछि त्यसैका आधारमा रमेशलाई नियन्त्रणमा लिएको हो । घरमा सुतिरहेका बेला शनिबार राति उनी पक्राउ परेका हुन् । विकले प्रहरीलाई पत्नीको हत्या गरेको स्विकार्दै छोरी सानी भएकाले त्यत्तिकै जंगलमा छाडेर आएको बयान दिएका छन् ।
मृतकको माइती पक्षलाई खबर गरिसकिएको जिल्ला प्रहरी कार्यालयका प्रहरी नायब उपरीक्षक दीपककुमार शाहले जानकारी दिए । विकलाई कर्तव्य ज्यानमुद्दामा कारबाही अघि बढाउने तयारी भइरहेको उनले बताए ।
सेनामा कार्यरत विकले इन्द्रालाई दोस्रो पत्नीका रूपमा विवाह गरे पनि घर लगेका थिएनन् । इन्द्रालाई केही समयअघि मात्र मन्थली बोलाई विवाहदर्ता र छोरीको जन्मदर्ता गराएर होटलमा राखेका थिए । नागरिक दैनिकमा समाचार छ ।
भिडियो हेर्न तलको बाकसमा क्लिक गर्नुहोस :
0 comments
Write Down Your Responses