samachar » तत्काल चिनियाँ नाका खोल्न सकिँदैन्ः अर्थमन्त्री

विराटनगर, १७ असोज । अर्थमन्त्री डा. रामशरण महतले तत्काल चिनियाँ नाका खोल्न नसकिने बताउनुभएको छ ।
भारतको अघोषित नाकाबन्दीले देशमा हाहाकार मच्चिदा चीनबाट आपूर्ति गर्नुपर्ने आवाज उठिरहेका बेला विराटनगरमा आइतबार आयोजित पत्रकार सम्मेलनमा मन्त्री महतले अति आवश्यक सामग्री नेपाल भित्र्याउन पनि तत्कालै चिनियाँ नाकाबाट नसकिने बताउनुभएको हो ।
उहाँले भन्नुभयो- ‘भूकम्पको कारण सडक संरचना विग्रिएको छ । सडक संरचनाले पूर्णता पाउन अझै केही समय लाग्छ, यसले गर्दा तत्काल नाका खुल्ने अवस्था छैन ।’ भौगोलिक अवस्था जटिल भएका कारण पनि चीनको नाका खोलिहाल्ने अवस्था नरहेको मन्त्री महतको भनाई थियो ।

0 comments

Write Down Your Responses