samachar » भारतीय नाकाबन्दीको बिरुद्धमा भारतीय नै बिरोधमा उत्रिए

वीरग‌ंज, १० कात्तिक ।
नाकाबन्दीले अलपत्र परेका भारतीय सवारीका चार दर्जन बढी चालकले घर फिर्ताका लागि वातावरण बनाइदिन भन्दै सोमबारदेखि वीरगन्जस्थित भारतीय महावाणिज्य दूतावास अगाडि धर्नामा थालेका छन् ।
दिनहुँ आश्वासन मात्र पाउने गरेकाले बाध्य भएर साँझदेखि दूतावासको २ नम्बर गेट सामुन्ने त्रिपाल ओछ्याएर उनीहरू धर्नामा बसेका हुन् । ‘नाकामा भोकै मर्नुभन्दा आफ्नै सरकारका प्रतिनिधिका अगाडि मर्ने’ भन्दै आफूहरू धर्नामा बसेको भारतको पन्जाबका ट्रक चालक दलजित सिंहले बताए ।
दूतावासका कर्मचारीले नाकाको अवरोध हटाउन नसकिने बताएपछि आफूहरू धर्नामा बसेको सिंहले जनाए । भारत फर्किने मितेरी पुलमा मधेसवादी दलका कार्यकर्ता ३३ दिनदेखि धर्नामा छन् । धर्नास्थलभन्दा करिब ३ सय मिटर दूरीमा भारतीय ट्रक रोकिएका कान्तिपुर दैनिकमा खबर छ ।
नेपालका विभिन्न सहरमा सामान अनलोड गरी भारत र्फकने क्रममा वीरगन्ज नाकामा करिब ५ सय भारतीय सवारी साधन अलपत्र छन् । ‘५ सय गाडीका हामी करिब हजार जना चालक/सहायक छौं,’ सिंहले भने, ‘आफ्ना नागरिक विदेशी भूमिमा अलपत्र पर्दा पनि भारतीय सरकारलाई कुनै चासो छैन ।’ बेखर्ची बनेपछि चना र भुजा मात्र खाएर गुजारा गरिरहेको चालकहरूले बताए ।

1 comments

Write Down Your Responses